గజల్

తెలుగు కవితను గుండెగుండెకు చేర్చునది ఈ నా గజల్‌

అలతి పదముల అనుభవాలను పేర్చునది ఈ నా గజల్‌

ప్రియ సఖుల తలపోయునప్పుడ తీయ్యనిది సుఫీ కవిత్వం

తెలుగుభాషకు ఉరుదు హోయలను కూర్చునది ఈ నా గజల్‌

మనిషి మనిషిని ఒక మనిషిగా మార్చు సాహితి క్రతువులో

మనసులన్నీ మలిన రహితమోనర్చునది ఈ నా గజల్‌

మనిషి మనిషికి నడుమ దూరము పెరుగు చీకటి వేళలో

మట్టి ప్రమిదను మనిషి గుండెగ మార్చునది ఈ నా గజల్‌

మతము ప్రాంతమదేది యైనా మానవత్వపు దీప్తికై

'మోహనా' నా తోటి వారల తీర్చునది ఈ నా గజల్‌.

                   తుమ్మా రామోహనరావు